أسئلة لولبية غبية بنسمعها كتييييييييييير

في اسئله بديهيه
مالهاش اي لازمه في الدنيا
بنتعرض ليها كل يوم من كل الناس


تعالو نشوف امثلة



أنت في أوضتك .. على السرير وطافي النور ومتغطي ...
يجي أخوك الظريف ويفتح الباب عليك ويقول : ايه ياده انت هتنام ولا ايه ؟

(( أظن ده مش وضع الرقص !!! أنا بس هاشوف الساعة بتنور في الضلمة ولا لأ))

--------------------------------------------------------------------------------

أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير........ انتوا جيتــواااااااااااااااا !!!!!!!!!!
(( لا زماننا جايين مانتوا عارفين بقى المواصلات صعبة والطرق زخمة ))

--------------------------------------------------------------------------------

والعكس : أنت لابس هدومك و متأنتك و على سنجه عشره وريحة البارفان واصله لاخر الشارع.....

وخلاص بتفتح باب الشقه,, يجي حد من أهلك وينادي
بصوت عالي : انت خااااارج ولا اييييييييييه؟؟؟؟

(( !!! لأ دانا رايح اشوف ريحة البارفان واصلة لفين ))

--------------------------------------------------------------------------------

أو مثلا راكب العربيه ودورتها وخلاص هتطلع ... يجيلك لك البواب
ويخبطلك على الزجاج,, أنت بكل ذوق تفتح الزجاج وتقوله : خير في حاجه؟

يقولك : انت ماشي يابيه ؟

(( لأ هاذل الموتور شوية ))

--------------------------------------------------------------------------------

مثلا ماسك سماعه التلفون وقاعد تضغط الارقام يجي حد من أهلك ويقولك : انت هتتكلم في التليفون ؟

(( لأ بامرن عضلات صباعي ))

--------------------------------------------------------------------------------

مثلا : ماسك مذكرة أو كتاب وقاعد تحفظ ومتحمس (أول مره بقى) ..
جه حد وقالك :هاه قاعد تذاكر ؟
(( لأ قاعد باقيس نظري ))

--------------------------------------------------------------------------------

ربنا هاديك كده ... ماسك سبحه و عمال تسبح ، يجي حد من البيت يعدي

عليك ويقول :هوه انت بتسبح
(( لأ هفرطها و أسلقها ))

--------------------------------------------------------------------------------

ولا تعالــو شوفو قنواتنا واسئلتهم البديهيه البايخه
برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟

(( لاء طالبها اخنق على نفسي))

--------------------------------------------------------------------------------

أو مثلا في العيد

المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و
قرابيك هههه و للناس اللي انت مخاصمهم كمان ؟ هههههه هههههه
ههههههه
المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))


--------------------------------------------------------------------------------

المذيعه الرخمه : وياترى بقى هتعملوا ايه العيد ده هتقضوه ازاي

اكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين

(( لأ بنروح ننكد على خلقنا وخلق اللي جابونا ونحبس ولادنا ونتصل بمعارفنا نشتمهم عشان خاطرك ياباردة.طب لما انتي عارفة بتسألي ليه من الأول؟؟ ))


--------------------------------------------------------------------------------

والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!


(( يعني اساسي الواد لسه ما طلعلوش عرق الخسه علشان يقول لأ ))


ولا انتوا ايه رأيكوا ؟؟؟؟؟

هههههههههههههههههه
انا بقول نصهم والنص التانى بتسئل
اسئله مستفزه الصراحه
تسلم ع الموضوع يااساماعيل