منتدى كليات دمياط
مش هتخسر حاجه لو سجلت معانا فى منتدى كليات دمياط
سارع بالاشتراك وخش فى مسابقه الاشراف وامسك اشراف القسم الى هتبدع فيه
يسعدنا اشتراككم معنا
مع تحيات ادارة منتدى كليات دمياط

منتدى كليات دمياط


 
الرئيسيةالتسجيلدخول

أهلا بكم أعضائنا الكرام..أعضاء منتديات كليات دمياط ... الرجاء الالتزام بقوانين وشروط المنتدى وأهمها :-    1- عدم الاساءه للاخرين.   2- عدم وضح اى صوره مخله للاداب العامه وتشمل صور النساء الغير محبجات ويفضل عدم وضع صور نساء منعاً للفتنه.    3-  ممنوع مواضيع الافلام والاغانى نهائيا ً فيما عدا الافلام الوثائقيه.    4-   اى اعلانات غير شرعيه فى المنتدى سيتم ايقاف صاحبها فورا ً   5ان كان الموضوع منقول يرجى كتابه كلمه منقوووول فى اخر الموضوع.        نتمنى لكم قضاء اسعد الاوقات معنا فى منتديات كليات دمياط  وجزاكم الله خيرا ........ رمـــ كرــــــــضــ يم ــــــــــان 


شاطر | 
 

 يلا نكون جاهزين قبل التخرج (منحة مجانية)

اذهب الى الأسفل 
كاتب الموضوعرسالة
rosetears
عضو جديد
عضو جديد


انثى عدد الرسائل : 6
العمر : 31
الكليه : تجارة
السنه الدراسيه : خريجة
الفلوس : 3248
السٌّمعَة : 2
تاريخ التسجيل : 16/12/2009

مُساهمةموضوع: يلا نكون جاهزين قبل التخرج (منحة مجانية)   الخميس ديسمبر 17, 2009 12:57 pm

بشرى لكل أبناء دمياط منحة مجانية فى it




السلام عليكم كل احبائى وأخواتى واولاد بلدى اللى من دمياط
طبعا احنا كلنا عارفين ان مجال ال it دلوقتى بقى من أهم المجالات وللاسف احنا فى دمياط مفيش مراكز كتير شغالة فيه وحتى لو فيه بنلاقى ان اللى بتدرسه مجرد قشور وحاجات سطحية وعشان تلاقى كورس كويس تقدر تستفيد منه لازم تدور فى اى مكان تانى مثلا المنصورة او القاهرة وده طبعا بيكون مكلف ومتعب بالنسبة لاى حد بس أحب ابشركو انا
انا جايبة ليكم النهارده منحة جديدة نزلت فى مجال ال it
والمنحة دى مقدمة من المجموعه العربية للكمبيوتر(agc academy) ويمكن يكون فى ناس اول مرة تسمع عن الشركة دى بس احب اقلكم ان الشركة دى اصلا تخصصها الاساسى هو مجال ال it والبرمجة يعنى مش اى مركز بيقدم كورس وخلاص ومن غير ما يكون محتواه مفيد المنحة دى مقدمة من الشركة والدعم من الغرفة التجارية شعبة تكنولوجيا المعلومات والجمعية العلمية للحاسبات الالية وهى مقدمة للطلبة والخريجين المنحة دى بندرس فيها تراكات متخصصة فى مجال ال it زى الشبكات والاوراكل والبرمجة والجرافيكس والمالتى ميديا وهأشرح لكم دلوقتى نظام المنحة دى ايه وكل تراك بيحتوى على ايه

فى البداية زى ما قلنا انها فيها تراكات متخصصة فى مجال ال it
والمتدرب ليه الحق انه يختار واحد من التراكات كمان فى ميزة حلوة اوى فى المنحة دى وهى انك مش بس بتدرس تراك متخصص لا دول كمان بالاضافة للتراك نفسه بيدرسو معاه كورس business english واللى هو الانجليزى اللى كلنا بنحتاجه لما بنيجى ننزل لسوق العمل وده بندرس فيه ازاى نعمل السى فى وجواب والتغطية اللى بيكون مرافق للسى فى وكمان بندرس فيه مهارات اجتياز المقابلة الشخصية ودى طبعا اهم حاجة لازم نعرفها قبل ما نقدم فى اى شغل ومش بس كدة فى حجات تانية كتير كمان جوة المنحة دى بندرس soft skills أو مهارات ادارية واكيد كلنا عارفين هى اد ايه مهمة لاى شخص سواء بيشتغل اولسة بيدور على شغل لانها بتعلمنا ازاى نتعامل مع كل الاشخاص سواء جوة العمل او خارج نطاقه وكمان بنتعلم فيها ازاى نشتغل من خلال فريق عمل وكمان مهارات الاتصال الفعال داخل بيئة العمل كل دى حاجات بناخدها مع التراك المتخصص ودلوقتى بقى هأشرح لكم تراكات المنحة نفسها وهى :

oracle developer
-1
والتراك ده بتدرس فيه الاتى:

English-
soft skills-
sql-
pl / sql-
forms-
reports-


programming –2
والتراك ده بندرس فيه الاتى:

English-
soft skills-
pre xml-
sql server 2005-
object oriented programming/use c#-
developing windows application -
developing web application ASP .net-
final project-




Graphics &maltimedia-3
والتراك ده بقى يا جماعة جامد جدا لان طبعا زى ما انتو شايفين هو مش جرافيكس بس ولا مالتى ميديا بس لا دول ضمو التراكين فى تراك واحد يعنى هتدرس جرافيكس ومالتى ميديا فى نفس التراك وبندرس فيه البرامج الاتيه:
english-
soft skills-
adobe photoshop-
adobe illustrator-
Adobe flash-
Adobe indesign-
3d max-
final project-


network-4
والتراك ده بقى بنختار فيه اما ندرس ccna أو mcse
يعنى بنختار:

-english
-soft skills

ccna-

or

mcse-



بعد ما شرحنا محتوى المنحة نيجى بقى لنظام التقديم:

المنحة دى اسمها samrt grant
ورسوم التقديم فيها 100 جنيه وصورتين شخصيتين وصورة البطاقة احنا بنقدم وبعدين بيكون فى امتحان فى الاول طبعا زى اى منحة الامتحان ده بيكون عبارة عن 30 سؤال
10
اسئلة it
10
اسئلة iq
10
اسئلة english
ومحدش يقلق خالص يا جماعة من الامتحان ده لان احنا لو عملنا بحث على النت هنلاقى الف سؤال يساعدونا فى الامتحان يعنى ممكن اصلا ندخل واحنا عارفين الامتحان وانا فعلا ليا اصحابى كانو مقدمين فى الدفعة الاولى من المنحة دى ولما دخلو الامتحان لقوه زى الاسئلة اللى ذاكروها من عالنت بالظبط المهم عشان انا طولت عليكو الامتحان ده فايدته ايه ان احنا لو جبنا فيه من 80% الى 100% هناخد التراك اللى اخترناه فرى يعنى من غير اى فلوس مش هندفع حاجة خالص ولو اجتزنا الامتحان بنسبة من 60% الى 79% هناخد نسبة دعم 75% يعنى هندفع 25% بس من اجمالى تكلفة التراك وطبعا زى ما كلنا عارفين ان اى كورس فى مجال الit تكلفته بتكون عالية جدا يعنى اقل حاجة بتكون 2500 ج او 3000 ج وبكدة احنا هناخد دعم ممتاز وانا كمان احب اطمنكو ان انا اعرف ان فى ناس كتير أخدت فعلا المنحة فرى يعنى مش كلام وخلاص طيب عشان أطمنكو اكتر ممكن حد يسألنى طيب نفرض ان انا جبت اقل من 60% يبقى انا كدة دفعت 100 جنيه على الفاضى ومش هأستفيد وده طبعا مش بيحصل لان حتى لو فى اى حد لا قدر الله جاب اقل من 60% وده مش هيحصل باذن الله كدة كدة ليه 3 اختيارات وهم:
-انك تاخد الكورس اللى اخترته بس بتكلفة اعلى فيها برده خصم بس خصم من الشركة نفسها
-او تاخد كورس soft skills & english مجانى

-أو انك تاخد تدريب icdl مجانى
نيجى لاخر حاجة وهى الشهادات:

فى نهاية الكورس يا جماعة بيكون لينا شهادة بالتراك وبالسوفت سكيلز والانجليزى ودى كدة كدة هناخدها بعد ما نخلص كمان بيكون فى امتحان عملى ونظرى وده بيكون اختيارى بس ميزة الامتحان ده انك بعد ما بتمتحن بتحصل على الشهادات التالية:

-شهادة خبرة بالمشروع اللى بتعمله فى الامتحان العملى

-شهادة موثقة من الخارجية

-شهادة من الشركة بكل البرامج اللى درستها فى الكورس

-شهادة من الغرفة التجارية بالتراك نفسه

هما دلوقتى فاتحين باب التقديم فى المنحة وبعدين بيحددو ميعاد للامتحان وبيكلمونا قبلها وبعد الامتحان طبعا بنروح نستلم النتيجة وبنبدأ بعد ما كل واحد يعرف نسبة الدعم الخاصة بيه

وعايزة برده أقول لكم ان انا أعرف ناس كتير اشتركو فى المنحة دى فى اول دفعو وبجد بيقولو انهم فعلا استفادو كتير وان محتوى اى تراك بيكون قوى جدا ومفيد

الشركة دى ياجماعة موجودة فى دمياط الجديدة وده العنوان بالتفصيل وأرقام التليفونات عشان اى حد يحب يستفسر عن اى حاجة
العنوان:
دمياط الجديدة- المنطقة المركزية- خلف جهاز التعمير- بجوار البنك الاهلى

تليفون:057/2414858 - 0198358055

فى النهاية يا رب اكون قدرت اشرح لكم الموضوع كويس ويا رب ما اكون طولت عليكو بس انا حبيت انى افيد كل اولاد بلدى

وفى انتظار ردودكم ودعواتكم

أختكم rosetears
الرجوع الى أعلى الصفحة اذهب الى الأسفل
 
يلا نكون جاهزين قبل التخرج (منحة مجانية)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كليات دمياط :: المنتدى العام :: حوارات عامة-
انتقل الى: