رائعة جدا ومحزنة للغاية
جاني الخبر ياصاحبي وأظلم الكون ....قدام عيني ثم نطقت الشهاده
على العموم اقولها الف مليون.... مبروك من قلب شكالك أبعاده
مبروك لايهمك سواليف وظنون ....من عاشق يهديك فرحة فؤاده
سو الفرح اليوم وابليس ملعون ....واللي يشب النار يجني رماده
أنا أول العالم على القصر يلفون....أول معازيم الفرح والحداده
أبشر أنا برقص فعرسك بالهون ....كل يعبر فرحته بإجتهاده
والبلا رقصي يقولون مزيون .... المشكلة القلب يفضح وداده
يوم العذارى في دخولك يغنون....وعروستك باحلى ثواني السعاده
كنت أتمنى بدالها والله أكون ....وأحط أنا كفي تحت راسك وساده
وشلون أبكتم صرختي يوم تمشون....تكفى خذني للعروسة قلاده
حتى معازيم الفرح قامو يمشون....i أصبحت أنا وحدي بدون استفاده
وطفو علي النور من غير يدرون ....قصر الفرح ياقبر ومهاده
وصيتي لو جاتك بنت وأنا أمون ....سميتها لك قبل الولاده